<?xml version="1.0" encoding="UTF-8"?><song><title>Okla eho moma hokʋt ƲIT84</title>
<lyrics>[V1]
 Okla eho moma hokʋt,
 Hʋpi chu̱kʋsh okpulo a̱
 Katiohmi cho? Aiahnit
 Eho pilhi̱sa pullashke.

[V2]
 Hʋpi chu̱kʋsh okpulo ʋt
 Nan okpulo oklu̱ha ka,
 Isht pi a hofahyalishke;
 Chu̱kʋsh yohbi pi bʋnnʋshke.

[V3]
 Pi̱ki ʋba Chihowa ma!
 Okla pilbʋsha fehnʋshke
 Chim anukfila achukma
 Isht ish pi aiokpʋchaske.

[V4]
 Chim anukfila nita̱ki
 Auet ish pima pullashke;
 Chihowa holitopa ma!
 Ish pi̱ nukha̱klo pullashke.

[V5]
 Chisʋs pulla tok mak ona,
 Hina hanta ish pimashke;
 Ʋba Pi̱ki Chihowa ma!
 Ish pi̱ hoyullo pullashke.</lyrics>
<time_sig>L.M. (8.8.8.8.)</time_sig>
<hymn_number>84</hymn_number>
<author>Israel Folsom</author>
</song>